د ډېرو داخلي او بهرنیو مشتریانو له لاسه ورکولو زما پر سوداګرۍ ډېره بده اغېزه کړې وه
Salma
زه د سوداګرۍ محلي خونې د بورد غړې او پخپله سیمه کې د مېرمنو د بازار مشره وم. په عین مهال، ما د مېرمنو په بازار کې د خیاطۍ خپل شرکت چلوه او ډېر شاګردان مې درلودل. ما د افغاني کالیو سوداګري ۶ کاله وچلوله او له ملي او نړیوالو بازارونو سره مې ښې اړیکې او ښه تولیدات مو درلودل.
اوس د ډېسمبر د ۲۴ مې نېټې بندیز لامله، زما سوداګري بنده شوې ده. زه اوس بې دندې یم او له دوو یا دریو شاګردانو سره په کور کې خیاطي کوم.
مونږ د بانکونو په برخه کې ډېرو ستونزو سره مخ شوو او د خامو موادو قیمتونه لوړ شول. د بانک له لارې د پيسو د لېږد رالېږد په برخه کې د بندیزونو لامله مونږ نه توانېږو چې له هېواد څخه بیرون مشتریانو سره سودا وکړو. له تېر کال راهیسې، زما د خیاطۍ په سوداګرۍ کې پام وړ کموالی راغلی دی.
واک ته د طالبانو تر رسېدلو څخه وروسته، سوداګرۍ شاوخوا ۲۰ ورځې بندې وې، خو تر هغه وروسته د مېرمنو د بازار مشرې له طالب چارواکو سره د همغږۍ غونډې ترتیب کړې. دا چې دا د یوه محلي سوداګر یو شخصي مارکېټ و، د همغږۍ له غونډو وروسته طالب چارواکو د مېرمنو بازار ته د بیا فعالیت پيلولو اجازه ورکړه. د مېرمنو پر کار د ډېسمبر ۲۴ مې نېټې بندیز راهیسې، زمونږ مارکېټ او سوداګرۍ ټولې بندې شوې.
زه د افغان نجونو او مېرمنو راتلونکي ته ډېره هیله منده یم.
د نجونو پر مخ د ښوونځيو او پوهنتونونو دروازې بندې شوي دي، له دې امله ډېرې نجونې اوس په شخصي کاروبار کې دلچسپي لري. مونږ په ریښتیني ډول غواړو چې د افغان نجونو، مېرمنو او ټولنې خدمت وکړو.
نړیوالې ټولنې ته زما پيغام دا دی چې هغوي باید د افغان مېرمنو د سوداګریو ملاتړ وکړي او له طالب چارواکو سره د لا ډېرو خبرو اترو لپاره لا ډېر ګامونه پورته کړي څو مېرمنو ته اجازه ورکړي چې په خصوصي سکتور او په نادولتي مؤسسو او نړیوالو نادولتي مؤسسو کې بیا کار وکړي.
